Virtu Bazar maxfiylik siyosati

#1. Kirish qismi

1.1. Mazkur maxfiylik siyosati «Virtu Bazar» MChJ XK tomonidan Virtu Bazar bozori marketpleysi Xaridorlari va Sotuvchilari tomonidan olinadigan maxfiy ma’lumotlarning xavfsizligi va saqlanishini ta’minlash, shuningdek quyidagi “Ishlov berish maqsadlari” bo’limida batafsil tavsiflangan boshqa maqsadlarda ishlab chiqilgan va tasdiqlangan (keyingi o’rinlarda «Maxfiylik siyosati» deb yuritiladi).

1.2. Ushbu Maxfiylik siyosati Foydalanuvchi shartnomasi va Sotuvchilar bilan tuzilgan shartnomaning ajralmas qismi hisoblanadi. Ushbu hujjatlardan birini qabul qilish (ofertani qabul qilish) yoki imzolash orqali tegishli Xaridor va/yoki Sotuvchi Maxfiylik siyosati shartlariga muvofiq quyida Maxfiy ma’lumot sifatida tavsiflangan barcha ma’lumotlarga ishlov berishga so’zsiz roziligini bildiradi.

#2. Asosiy tushunchalar

2.1. Maxfiy ma’lumotlarga avtomatlashtirilgan tarzda ishlov berish – maxfiy ma’lumotlarga hisoblash texnikasi vositalari yordamida ishlov berish.

2.2. Maxfiy ma’lumotlarni blokirovka qilish – maxfiy ma’lumotlarga ishlov berishni vaqtincha to’xtatish (ishlov berish Maxfiy ma’lumotlarni aniqlashtirish uchun zarur bo’lgan holatlar bundan mustasno).

2.3. Virtu Bazar kompaniyalar guruhi – raqamli IT ekotizimi tarkibiga kiruvchi kompaniyalar, shu jumladan, lekin ular bilan cheklanmagan holda “Virtu Bazar” MChJ XK, “Kapitalbank” ATB, “VIRTU BANK” AJ, “SOLUTIONS LAB” AJ, “VIRTU” MChJ, “VIRTU TECHNOLOGIES” MChJ XK va ularning affillangan shaxslari.

2.4. Maxfiy ma’lumotlarning axborot tizimi – ma’lumotlar bazalarida mavjud bo’lgan Maxfiy ma’lumotlar va ularga ishlov berishni ta’minlovchi axborot texnologiyalari va texnik vositalar to’plami.

2.5. Yuridik shaxs to’g’risidagi ma’lumotlar - elektron, qog’oz va (yoki) boshqa moddiy tashuvchilarga yozilgan har qanday ma’lumotlar, shu jumladan, lekin ular bilan cheklanmagan holda, yuridik shaxslarning nomlari, aloqa ma’lumotlari (pochta manzillari, elektron manzillar, telefon raqamlari) va Virtu Bazar tomonidan Sotuvchilardan olinadigan boshqa ma’lumotlar.

2.6. Tijorat siri - uchinchi shaxslarga noma’lum bo’lganligi sababli ilmiy-texnikaviy, texnologik, ishlab chiqarish, moliya-iqtisodiy va boshqa sohalarda tijorat qiymatiga ega bo’lgan ma’lumotlar.

2.7. Maxfiy ma’lumotlar – ro’yxatdan o’tish va Virtu Bazar marketpleysidan foydalanish jarayonida Sotuvchilar va Xaridorlardan Virtu Bazar tomonidan olinadigan ma’lumotlar, shu jumladan shaxsga doir ma’lumotlar.

2.8. Sotuvchi - Marketpleys orqali Xaridorga masofaviy usuldan foydalangan holda tovarlarni sotish bilan shug’ullanuvchi va Marketpleysda ro’yxatdan o’tgan yakka tartibdagi tadbirkor yoki yuridik shaxs.

2.9. Shaxsga doir ma’lumotlarni egasizlantirish — amalga oshirilishi natijasida qo’shimcha ma’lumotlardan foydalanmasdan shaxsga doir ma’lumotlarning ma’lum bir Xaridor yoki boshqa shaxsga doir ma’lumotlar subyektiga qarashli ekanligini aniqlashni imkonsiz qiluvchi harakatlar.

2.10. Maxfiy ma’lumotlarga ishlov berish – avtomatlashtirish vositalaridan foydalangan yoki foydalanmagan holda Maxfiy ma’lumotlar bilan amalga oshiriladigan har qanday harakat (operatsiya) yoki harakatlar (operatsiyalar) majmui, shu jumladan, Maxfiy ma’lumotlarni yig’ish, yozish, tizimlashtirish, to’plash, saqlash, aniqlashtirish (yangilash, o’zgartirish), chiqarish, foydalanish, uzatish (tarqatish, taqdim etish, kirish), egasizlantisih, blokirovka qilish, o’chirish, yo’q qilish.

2.11. Shaxsga doir ma’lumotlar – elektron, qog’oz va (yoki) boshqa moddiy tashuvchilarga yozilgan, muayyan jismoniy shaxsga tegishli yoki uning shaxsini aniqlash imkonini beradigan har qanday ma’lumot.

2.12. Virtu Bazar Foydalanuvchisi/Xaridor – Marketpleysda Sotuvchining internet-do’konida Tovarga buyurtma rasmiylashtirish yo’li bilan Sotuvchidan masofadan turib Tovarlarga (ishlarga, xizmatlarga) buyurtma berish yoki ularni sotib olish niyatida bo’lgan yoki buyurtma berayotgan, tovardan (ish natijasidan, xizmatdan) faqat iste’mol qilish maqsadida (shaxsiy, oilaviy, maishiy va tijorat faoliyati bilan bog’liq bo’lmagan boshqa maishiy (kundalik) ehtiyojlari (maqsadlari) uchun) foydalanadigan jismoniy shaxs.

2.13. Maxfiy ma’lumotlarni taqdim etish – shaxsga doir ma’lumotlarni ma’lum bir shaxsga yoki ma’lum doiradagi shaxslar oshkor qilishga qaratilgan harakatlar.

2.14. Maxfiy ma’lumotlarni tarqatish – Maxfiy ma’lumotlarni noaniq doiradagi shaxslarga oshkor etishga (Maxfiy ma’lumotlarni uzatishga) yoki cheklanmagan doiradagi shaxslarni Maxfiy ma’lumotlar bilan tanishtirishga qaratilgan harakatlar, shu jumladan ommaviy axborot vositalarida Maxfiy ma’lumotlarni e’lon qilish, axborot va telekommunikatsiya tarmoqlarida joylashtirish yoki boshqa har qanday yo’l bilan Maxfiy ma’lumotlardan foydalanish imkoniyatini berish.

2.15. Virtu Bazar marketpleysi – Xaridorlarga Sotuvchilardan tovarlarga buyurtma berish imkonini beruvchi EHM uchun dasturlar va ma’lumotlar bazalari (jumladan, Virtu Bazar mobil ilovasi).

2.16. Shaxsga doir ma’lumotlarni transchegaraviy uzatish – shaxsga doir ma’lumotlarni xorijiy davlat hududiga xorijiy davlat organiga, xorijiy jismoniy shaxsga yoki xorijiy yuridik shaxsga uzatish.

2.17. Maxfiy ma’lumotlarni yo’q qilish – shaxsga doir ma’lumotlar axborot tizimida keyinchalik shaxsga doir ma’lumotlar mazmunini tiklash imkoniyati bo’lmagan holda shaxsga doir ma’lumotlarni qaytarib bo’lmaydigan tarzda yo’q qiladigan va (yoki) moddiy shaxsga doir ma’lumotlar tashuvchilarini yo’q qiladigan har qanday harakatlar.

#3. Tartibga solish predmeti

3.1. Ushbu Maxfiylik siyosati Virtu Bazar va/yoki uning affillangan shaxslari, shu jumladan Virtu Bazar kompaniyalar guruhi Xaridorlar va Sotuvchilardan Virtu Bazar marketpleysi bilan ishlash jarayonida, shuningdek Xaridorlar va Sotuvchilar tomonidan foydalanish maqsadlarida va/yoki natijasida Xaridorlar va Sotuvchilar bilan tuzilgan har qanday kelishuv va shartnomalarning Virtu Bazar tomonidan bajarilishi jarayonida olishi mumkin bo’lgan barcha Maxfiy ma’lumotlarga nisbatan amal qiladi.

#4. Ma’lumotlarga kim ishlov beradi

4.1. Kompaniya tomonidan har bir Xaridor va sotuvchiga nisbatan olingan Maxfiy ma’lumotlar O’zbekiston Respublikasi qonunchiligiga muvofiq tashkil etilgan va O’zbekiston Respublikasi, Toshkent shahar, Yakkasaroy tumani, Beshchinor ko’chasi, 2 uy manzili bo’yicha ro’yxatdan o’tgan Kompaniya - «Virtu Bazar» mas’uliyati cheklangan jamiyat shaklidagi xorijiy korxona yoki uning affillangan shaxslari tomonidan yig’iladi, ishlov beriladi, saqlanadi va foydalaniladi.

#5. Virtu Bazar tomonidan qanday ma’lumotlarga ishlov beriladi

5.1. Virtu Bazar tomonidan Xaridorlar va Sotuvchilarga nisbatan ishlov beriladigan Maxfiy ma’lumotlar Xaridor yoki Sotuvchining Virtu Bazar marketpleysi bilan qanday ishlashiga va Xaridor yoki Sotuvchining Virtu Bazar marketpleysiga kirish uchun shaxsiy kabinetdan foydalanishi yoki foydalanmasligiga qarab farq qilishi mumkin.

5.2. Virtu Bazar zarur holatlarda quyidagi toifadagi maʼlumotlarni toʻplaydi va ularga ishlov beradi:

Shaxsga doir ma’lumotlar;

Yuridik shaxslar va ularning vakillari to’g’risidagi ma’lumotlar;

Tijorat siri;

Texnik ma’lumotlar;

Nou-xau;

Uchinchi shaxslarga oshkor qilinishi mumkin bo’lmagan boshqa ma’lumotlar.

5.3. Virtu Bazar quyidagi ma’lumotlarni oladi:

5.3.1. Xaridorlardan olinadigan Maxfiy ma’lumotlar:

5.3.1.1. Virtu Bazar’da roʻyxatdan oʻtish uchun zarur boʻlgan maʼlumotlar:

F.I.Sh.

Mobil telefon raqami;

Facebook’dagi profilingiz, «ВКонтакте» dagi profilingiz yoki Google akkauntingizning identifikatori (ID);

5.3.1.2. Virtu Bazar’da tahrirlash boʻlimidan foydalanish uchun zarur boʻlgan maʼlumotlar:

Ism;

Familiya;

Jins;

Tug’ilgan sana;

Tovarlarni yetkazib berish manzili;

Mobil telefon raqami.

5.3.1.3. Virtu Bazar ilovasi bilan ishlashda avtomatik tarzda uzatiladigan maʼlumotlar:

IP manzil va cookies fayllari;

Saytda bajarilgan harakat turi (klik, kursorni mo’ljalga olib borish va hokazo);

Amal bajarilgan sana va vaqt;

Sahifaning URL manzili;

Sahifaga tashriflar soni;

Sayt sahifalari bo’ylab harakatlanish haqida ma’lumot;

Foydalanuvchi sessiyasining davomiyligi;

Kirish nuqtalari (foydalanuvchi Saytga havola orqali o’tadigan begona saytlar);

Chiqish nuqtalari (Saytdan foydalanuvchi begona saytlarga o’tadigan havolalar);

Mamlakat;

Hudud;

Provayder;

Foydalanuvchi brauzeri;

Qurilmada qo’llab-quvvatlanadigan tillar ro’yxati;

Operatsion tizim turi;

Ekran parametrlari.

5.3.2. Sotuvchilardan olinadigan maxfiy ma’lumotlar:

5.3.2.1. Sotuvchilardan olinadigan ma’lumotlar:

Yuridik shaxsning nomi;

STIR;

OKED;

JShShIR;

Bank rekvizitlari;

Yuridik va pochta manzillari;

Aloqa ma’lumotlari;

Sotuvchilar vakilining F.I.Sh. va aloqa ma’lumotlari;

Do’konlardan (Mijozlardan) olinadigan Foydalanuvchi ularning tovarlari va (yoki) xizmatlarini xarid qilganligi haqidagi ma’lumotlar.

5.3.2.2. Virtu Bazar ilovasi bilan ishlashda avtomatik ravishda uzatiladigan ma’lumotlar:

Buyurtma statuslari;

Buyurtma tarkibi.

5.3.3 Foydalanuvchi shartnomasi, Sotuvchi bilan tuzilgan shartnoma bo’yicha majburiyatlarni bajarish uchun Virtu Bazar tomonidan so’raladigan boshqa ma’lumotlar.

5.4. Siyosatning belgilangan qoidalari Maxfiy ma’lumotlarni transchegaraviy uzatishni ham o’z ichiga oladi. Maxfiy ma’lumotlarni transchegaraviy uzatish shaxsga doir ma’lumotlar subyektlarining huquqlarini yetarli darajada himoya qilishni ta’minlaydigan xorijiy davlatlar hududiga amalga oshiriladi.

5.5. Virtu Bazar shuningdek, maxfiy ma’lumotlarga egasizlantirilgan tarzda ishlov berishni amalga oshiradi.

5.6. Virtu Bazar taqdim etilgan Maxfiy ma’lumotlarni tekshirmaydi, Foydalanuvchi shartnomasida, Sotuvchi bilan tuzilgan shartnomada nazarda tutilgan hollar bundan mustasno, va uning haqiqiyligini, shuningdek, Xaridorning Maxfiy ma’lumotlarni taqdim etish uchun yetarli huquqiy layoqatga ega yoki ega emasligini, Sotuvchilar vakillarining shaxsga doir ma’lumotlarni uzatish uchun tegishli roziliklar olingan yoki olinmaganligini baholay olmaydi. Virtu Bazar Xaridor ishonchli va yetarli Maxfiy ma’lumotlarni taqdim etishiga, shuningdek, ularni o’z vaqtida yangilashi hamda Sotuvchilar o’z vakillarining shaxsga doir ma’lumotlarini uzatish uchun barcha zarur roziliklarni olganligiga asoslanadi.

5.7. Virtu Bazar Maxfiy ma’lumotlarga ishlov berish jarayonida ularing himoya qilinishini ta’minlashga intiladi. Virtu Bazar ushbu veb-saytga muntazam tashrif buyurishingizni tavsiya qiladi, chunki ushbu Maxfiylik siyosati amaldagi qonunchilikka kiritilgan o’zgartirishlar yoki bizning ichki jarayonlarimizdagi o’zgarishlarga muvofiq yangilanishi mumkin.

5.8. Shaxsga doir ma’lumotlarning xavfsizligi deganda shaxsga doir ma’lumotlardan noqonuniy ravishda va/yoki ruxsatsiz foydalanishdan, shaxsga doir ma’lumotlarni yo’q qilishdan, o’zgartirishdan, blokirovka qilishdan, nusxalashdan, taqdim etishdan, tarqatishdan, shuningdek shaxsga doir ma’lumotlarga nisbatan boshqa noqonuniy harakatlardan himoyalangan muhitni ta’minlash nazarda tutiladi.

5.9. Xaridor va Sotuvchi o’z ixtiyori bilan Maxfiy ma’lumotlarni taqdim etadi. Bunda, har qanday Maxfiy ma’lumotni taqdim etmaslik yoki Maxfiy ma’lumotlarga ishlov berishga rozilikni qaytarib olish Virtu Bazar Marketpleysidan foydalana olmaslikka olib kelishi mumkin.

#6. Ishlov berishdan maqsad

6.1. Maxfiy ma’lumotlarga ishlov berish:

Xaridorlar, sotuvchilar va Virtu Bazar o’rtasidagi shartnomalar, shu jumladan Foydalanuvchi shartnomasi, Sotuvchilar bilan tuzilgan shartnomalar shartlarini bajarish;

Virtu Bazar Marketpleysi faoliyatini ta’minlash va takomillashtirish;

Virtu Bazar bozori va Virtu Bazar kompaniyalar guruhining huquq va qonuniy manfaatlarini ta’minlash, agar bunday ishlov berish Virtu Bazar Marketpleysi Xaridorlari va Sotuvchilari huquqlari va qonuniy manfaatlariga jiddiy ta’sir ko’rsatmasa;

O’zbekiston Respublikasi qonunchiligida belgilangan me’yorlarga rioya qilish uchun zarur.

6.2. Virtu Bazar Maxfiy ma’lumotlarga quyidagi maqsadlarda ishlov beradi:

Virtu Bazar Marketpleysidan foydalanish imkoniyatini berish;

Xaridor va Sotuvchining shaxsiy kabinetiga kirishni ta’minlash;

Virtu Bazar Marketpleysida Tovarlarni xarid qilish uchun buyurtmalarga ishlov berish va rasmiylashtirish;

Virtu Bazar Marketpleysidan foydalangan holda to’lovlarni qabul qilishni, tovarlar uchun to’lovlarni amalga oshirishni tashkil etish;

Xaridorlar va Sotuvchilar bilan muloqot qilish, Virtu Bazar faoliyatiga oid xabarnomalar, so’rovlar va boshqa ma’lumotlarni yuborish;

Xaridorlar va Sotuvchilarni firibgarlik harakatlaridan himoya qilish;

Xaridorlar va Sotuvchilarning xohish-istaklarini inobatga olgan holda reklama-axborot materiallarini tarqatish hamda Virtu Bazar va Virtu Bazar guruhining birgalikdagi marketing aksiyalarini o’tkazish;

Virtu Bazar Marketpleysini doimiy ravishda takomillashtirish va yaxshilash;

Virtu Bazar Marketpleysi foydalanuvchilarining xatti-harakatlarini o’rganish;

Virtu Bazar va Virtu Bazar kompaniyalar guruhining yangi mahsulotlari, utilitlari va takliflarini yaratish;

Xaridor va Sotuvchining huquqlarini himoya qilish;

statistik ma’lumotlarni, katta ma’lumotlarni va boshqa tadqiqotlar haqida ma’lumotlarni yig’ish, ularga ishlov berish va taqdim etish.

6.3. Qo’shimcha maqsadlar yuzaga kelganda yoki amaldagi qonunchilik talablariga muvofiq, Virtu Bazar Maxfiy ma’lumotlarga ishlov berishga alohida rozilik so’rashi mumkin.

6.4. Ushbu Siyosat ushbu Siyosat kuchga kirishidan oldin ham, keyin ham olingan Maxfiy ma’lumotlarga nisbatan qo’llaniladi.

#7. Maxfiy ma’lumotlarni to’plash, saqlash, uzatish va ularga boshqa tarzda ishlov berish tartibi

7.1. Virtu Bazar tomonidan ishlov beriladigan Maxfiy ma’lumotlarning xavfsizligi shaxsga doir ma’lumotlarni himoya qilish sohasidagi amaldagi qonun hujjatlari talablariga to’liq rioya qilish uchun zarur bo’lgan huquqiy, tashkiliy va texnik chora-tadbirlarni amalga oshirish orqali ta’minlanadi.

7.2. Virtu Bazar Maxfiy ma’lumotlar xavfsizligini ta’minlaydi va vakolatsiz shaxslar tomonidan Maxfiy ma’lumotlarning foydalanilishini istisno qiluvchi barcha choralarni ko’radi. Maxfiy ma’lumotlar Virtu Bazar xodimlari tomonidan zaruratga ko’ra ushbu Siyosatning 4-bo’limida ko’rsatilgan maqsadlarda foydalaniladi.

7.3. Virtu Bazar Maxfiy ma’lumotlarni o’zining affillangan shaxslariga, shu jumladan Virtu Bazar guruhiga kiruvchi kompaniyalarga faqat ushbu Siyosatning 4-bo’limida ko’rsatilgan maqsadlar uchun taqdim etishi ham mumkin.

7.4. Xaridor va Sotuvchining Maxfiy ma’lumotlari hech qachon, hech qanday sharoitda uchinchi shaxslarga berilmaydi, amaldagi qonunchilikni amalga oshirish bilan bog’liq hollar va/yoki Maxfiy ma’lumotlarga Virtu Bazar manfaatlarini ko’zlagan holda ishlov berish maqsadlari uchun bo’lgan hollar bundan mustasno.

7.5. Foydalanuvchi shartnomasi, Sotuvchilar bilan tuzilgan shartnoma bo’yicha muayyan xizmatlarni ko’rsatish uchun Virtu Bazar uchinchi shaxslarni jalb qilishi mumkin. Agar bunday shaxslarga Maxfiy ma’lumotlardan foydalanish zarur bo’lsa, Virtu Bazar bunday foydalanish tegishli xizmatlarni taqdim etish uchun zarur bo’lgan darajada cheklanishini ta’minlaydi. Bundan tashqari, bunday tashqi xizmat ko’rsatuvchilar barcha amaldagi ma’lumotlarni himoya qilish qoidalariga mustaqil ravishda rioya qilishlari kerak. Bunday qabul qiluvchilar toifalariga quyidagi xizmatlar turlarini ko’rsatuvchilar kiradi: veb-tahlil, ma’lumotlarga ishlov berish, reklama, elektron pochta orqali ma’lumot tarqatish, to’lovlarga ishlov berish, buyurtmalarni bajarish va hokazo.

7.6. Virtu Bazar tomonidan Maxfiy ma’lumotlarni saqlash muddati uni to’plash va unga ishlov berishdan yoki O’zbekiston Respublikasi qonun hujjatlari talablariga rioya qilishdan bo’lgan maqsadga erishish sanasi bilan belgilanadi.

7.7. Xaridorlar va Sotuvchilardan olingan barcha Maxfiy maʼlumotlar Oʻzbekiston Respublikasi hududida saqlanadi.

7.8. Maxfiy ma’lumotlarga ishlov berish ham avtomatlashtirilgan vositalardan foydalangan holda, ham avtomatlashtirish vositalaridan foydalanmasdan amalga oshiriladi.

#8. Shaxsga doir ma’lumotlarni transchegaraviy uzatish

8.1. Virtu Bazar ushbu Siyosat shartlariga muvofiq va O’zbekiston Respublikasi qonunchiligi talablariga rioya qilgan holda shaxsga doir ma’lumotlarni transchegaraviy uzatishni amalga oshirishga haqli.

#9. Maxfiy ma’lumotlar egasining huquqlari

9.1. Foydalanuvchilarning huquqlari:

Virtu Bazar Marketpleysidagi Shaxsiy kabinetda o’zi haqidagi ma’lumotlarga mustaqil ravishda o’zgartirishlar, qo’shimchalar kiritish;

Virtu Bazar Marketpleysidagi Shaxsiy kabinetda ko’rsatilgan o’zi haqidagi Maxfiy ma’lumotlarni o’chirib tashlash. Shaxsiy kabinet va/yoki Maxfiy ma’lumotlarni o’chirish Virtu Bazar Marketpleysidan foydalana olmaslikka olib kelishi mumkin;

so’rov bo’yicha Virtu Bazar’dan o’zining shaxsga doir ma’lumotlariga ishlov berishga oid ma’lumotlarni olish;

Virtu Bazar’da o’zining Maxfiy ma’lumotlari mavjudligi va uning hajmi to’g’risida xabardor bo’lish;

Virtu Bazar’dan o’zining Maxfiy ma’lumotlaridan foydalana olish imkoniyatini berish shartlari to’g’risida ma’lumot olish;

o’zining Maxfiy ma’lumotlariga ishlov berishga roziligini qaytarib olish, amaldagi qonunchilikda nazarda tutilgan hollar bundan mustasno;

shaxsiy maʼlumotlar toʻliq boʻlmagan, eskirgan, notoʻgʻri, noqonuniy ravishda olingan yoki ishlov berish maqsadlari uchun zarur boʻlmagan hollarda Virtu Bazar’dan o’zining shaxsga doir maʼlumotlariga ishlov berishni vaqtincha toʻxtatishni talab qilish;

o’zining shaxsga doir ma’lumotlariga nisbatan huquqlari va qonuniy manfaatlarini himoya qilish masalalari yuzasidan vakolatli davlat organiga yoki sudga murojaat etish.

9.2. Sotuvchilarning huquqlari:

Virtu Bazar Marketpleysidagi Shaxsiy kabinetda o’zi va o’zining vakillari haqidagi Maxfiy ma’lumotlarga mustaqil ravishda o’zgartirishlar, qo’shimchalar kiritish;

Virtu Bazar Marketpleysidagi Shaxsiy kabinetda ko’rsatilgan Maxfiy ma’lumotlarni o’chirib tashlash. Shaxsiy kabinet va/yoki Maxfiy ma’lumotlarni o’chirish Virtu Bazar Marketpleysidan foydalana olmaslikka olib kelishi mumkin;

Virtu Bazar’da o’zining Maxfiy ma’lumotlari mavjudligi va uning hajmi to’g’risida xabardor bo’lish;

Virtu Bazar’dan o’zining Maxfiy ma’lumotlaridan foydalana olish imkoniyatini berish shartlari to’g’risida ma’lumot olish;

shaxsiy maʼlumotlar toʻliq boʻlmagan, eskirgan, notoʻgʻri, noqonuniy ravishda olingan yoki ishlov berish maqsadlari uchun zarur boʻlmagan hollarda Virtu Bazar’dan Maxfiy ma’lumotlarga ishlov berishni vaqtincha toʻxtatishni talab qilish.

#10. Yakuniy qoidalar

10.1. Ushbu Siyosat, Xaridor va Sotuvchi o’rtasidagi ushbu Siyosatni qo’llash bilan bog’liq holda yuzaga keladigan munosabatlar, shuningdek, ushbu Siyosat bilan tartibga solinmagan masalalar O’zbekiston Respublikasining amaldagi qonunchiligi bilan tartibga solinadi.

10.2. Foydalanuvchi oʻzining Maxfiy maʼlumotlariga ishlov berish bilan bogʻliq barcha savollar boʻyicha har qanday tushuntirishlarni Virtu Bazar Call Center-ga murojaat qilib olishi mumkin.

10.3. Maxfiy ma’lumotlardan noqonuniy foydalanish fakti aniqlangan taqdirda, ma’lumotlaridan noqonuniy foydalanilgan Maxfiy ma’lumotlar subyekti Virtu Bazar Marketga bunday Maxfiy ma’lumotlarni o’chirish to’g’risida yozma ariza yuboradi. Arizada Maxfiy ma’lumotlar subyektining shaxsini tasdiqlovchi hujjatning rekvizitlari, noqonuniy foydalanilgan Maxfiy ma’lumotlarning tarkibi, Maxfiy ma’lumotlardan qayerda va qanday hollarda noqonuniy foydalanilganligi tavsifi ko’rsatilishi kerak.

10.4. Ro'yxatdan o'tishda har bir xaridor/foydalanuvchi Virtu Bazar xizmatidan, saytdan foydalanishda foydalanuvchi tomonidan yaratilgan kontent siyosatiga rozi bo'ladi (https://legal.virtu.uz/content-uz.html) www.virtu.uz va Virtu Bazar mobil ilovasi.

10.5. Virtu Bazar ushbu Siyosatga Xaridorlar va Sotuvchilarning roziligisiz o’zgartirishlar kiritish huquqiga ega.

10.6. Ushbu hujjatda Virtu Bazar tomonidan Siyosatga kiritiladigan har qanday o’zgarishlar aks ettiriladi. Siyosat uning yangi tahriri bilan almashtirilgunga qadar muddatsiz amal qiladi.

10.7. Siyosatning ochiq foydalanishdagi amaldagi tahriri Internetda (https://legal.virtu.uz/privacy-policy-uz.html) manzilida joylashtirilgan.